Friday, November 30, 2007

a Heart's blessings...!


هاتمني له الخير

ايه يعني يفوتني و ينساني

ماهو ياما اتحمل علشاني

ما هو ياما كان قلبه عليا

*

هاتمناله الخير

ماهو قبل ما يجرحني داواني

كان عمرى.. و كان هو زماني

كان قلبي.. و روحي و عينيا

*
هافتكر له حاجات كتير كانت ما بيننا

هافتكر ايام هوانا و الخطاوي اللي في طريقنا
*

هاتمناله الخير من قلبي ..علشان يستاهل

دانا هاتمنى تلف الدنيا .. تاني و نتقابل

*

هافتكر له حاجات كتير كانت ما بيننا

و هافتكر لحظة لقانا

و انسى لحظة ما افترقنا

لما كنا بنقسم الفرحة في عيوننا

هافتكرله حاجات كتير

.

.


هاتمني له الخير

__

أنغام

6 comments:

اسكندراني اوي said...

ياريت كلنا يبقى قلبنا كبييير كده

dandana said...

ممممممممممم

انا شايفة فى الاغنية دى مثالية مستفزة جدا...

بصراحة مابحبش النوع دات من المشاعر

Reemo said...

بصراحه هى كلمات الأغنيه مكتوبه حلو
وكمان اللحن جميل
بس بينى وبينك
انا مع ميوي
مثاليه أوى
مينفعش يعنى
بتحصل للحظات بس بعد شويه بتفوقى على سخط وغضب
:)

Anonymous said...

دندنة و ريم

انا معاكم ان صعب نفضل علي طول كدة
مسامحين..وقلبنا كبير زي ما اسكندراني بيقول
واكيد الضعف الانساني ح يصيبنا وننهار..ونلعن و نغضب ونكره
وللحظة
ح نرجع تاني نسامح
لان اللي دخلوا حياتنا سابوها فيها اثر جميل..للاحسن
يستاهلوا مسامحتنا
واننا نتمني لهم الخير
و بعديها ننهار تاني
ان ليه غيرونا من الاساس
يا ريتهم كانوا سابونا
بس برضه مسامحينهم

هي معضلة غريبة اوي

ومش بتفضل مثالية علي طول

لكن موجودة علي اية حال

فقط لنبادر بالمسامحة
وامرنا لله

:)

صوت فيروز said...

السلام عليكم
اخبارك ايه معلش انا بقالي فترة بعيدة عن التدوين و يمكن دي اول مره اعلق هنا
اما بالنسبه للكلمات الاغنيه فانا شايفه انها نوع من الهروب يعني البنت دي بتهرب بشكل ملاءكي عشان ما تتحرقش بنار الكره بتحاول تصبر نفسها
و ربنا يصبر الكل
اللهم اعف بنات و شباب المسلمين

snohe said...

صديقتى
-------
كلمات الاغنيه ببساطه هى نوع من الحنين الى مانتمنى ان يعود

لنعتذر له عن كل ما جعلنا نفقده

الاغنيه ليست سوى انين قلب يحتاج الى من يمسح دموعه

عندما تسمعى الاغنيه مرة اخرى ستعرفين انها تتمنى ان يسامحها ويغفر لها

تتمنى ان تستعيد ما ضيعته
هى تعرف انها اخطأت فى حقه
هى تعرف انها فقدت شىء غالى وثمين ولم تكن تقدر قيمته حينما اخطأت فى حقه

الاغنيه ببساطه تقول
اكتشفت انك افضل بكثير مما كنت اظن
اتمنى ان تسامحنى وتغفر لى ما فعلته بقلبك
فلم اكن افهمك ولا اقدرك ولا احبك حينها

. ولكن الان احبك
واشتاق اليك

فهل تعطينى فرصة اخرى؟

ولكن للاسف لاتنظر ما قد مضى فلن يأتى مرة اخرى ابدا